چَش سیا
شاعر :عابد میرزاییان
چَش سیایی که وَنه ازگِل عشقی دِ کِلِم
وِش گوتِم سوختِمَه گوت کِش نکو اوفیش دِلِم
رنگ دل بی وِ گَنِل پا غزل اوما دِ رِکُو
گیسِ نازش وَنَه طوقی دِ جفا دور مِلِم
آسمو تارَه ، زِمی تَپ سُرَه ، دل دُشمِ دِ پی
جَعدَه باریکَه کُلِش تاشَه خدایا نَگِلِم
بایِه شونِ تَشِ دل بی همه شو مِرژِنِ دوس
چی کَواوی سَرِتَش میده وِ چش پیلَه پِلم
قورِ مِن سیل خُمارش کَنَه وا ناخُن غم
چی کَموتَر قش گُسنِه دِ هوا بی اجلم
ائقِدر نازِکَ دل یارِ رنینِم وه قِصه
اشکنامِش که گوتم نوم خدا وی شِپِلِم
غم دِرآغِل دل تو دارِمِ وا زور گِرِت
بی کَس اُفتامه دِ قَپ شیر و نِمی کَه دَ وِلِم
عاشقی زیچِ دلِم بی نَکَشی دس دِ سَرِم
چی غِریوی که دلش بِیرَه ایواره کِسِلم
ازگل
(AZGEL) = دانه اتش سرخ شده و گداخته کل (KELL) = آغوش و بغل کش(KESH) =
فعل امر به معنی ساکت شدن رکو (REKO) = تکان و لرزش بدن بدلیل ترس یا
سرما
گنل (GANAL) = گیاهی زرد رنگ برای رنگ کردن نخ های پشمی ماشته مل
(MELL) = گردن کل (KOL) = کوتاه ، کند نگلم (NAGELEM) = زمین نخورم
مرژنگ (MERZHENG) = مژه پل (PEL) =چرخاندن ، گیسو قور (GHORR) = قبر شپل (SHEPEL) = نوزاد دو یا سه ماهه
قپ (GHAP) = چنگال ، مشت نیم باز درآغل(DERAGEL) = درحیاط و خانه کموتر(KAMOTAR) = کبوتر قش(GHOSH) = قوش ، پرنده شکارچی